Langitnong Amahan, salamat niining mga grasya nga among pagadawaton. Hinaut nga makahatag kini'g dugang kabaskog sa among panglawas aron makapadayon kami sa among inadlaw-adlaw'ng gimbuhaton diha sa among pag-alagad Kanimo. Salamat usab sa mga kamot nga nagaandam niini. Kining tanan among gisalig ug gipasalamatan pinaagi ni Kristo nga among Ginoo. Amen.

Pag-ampo Human Sa Pagkaon

Nagapasalamat kami Kanimo, Dios nga makagagahum, tungod sa tanang mga kaayohan nga gihatag Mo kanamo. Ikaw nga nagapuyo ug nagahari hangtud sa kahangturan. Amen.