Pagpasabot sa Teksto

Sa teksto, si Jesus ug ang Iyang mga tinun-an misakay sa sakayan aron molabang sa lanaw. Sa kalit lang, misugod ang kusog nga unos nga naghulga sa ilang kinabuhi. Samtang ang tanan nahadlok ug naglisod pagpanglabay sa tubig nga nisulod, si Jesus natulog nga malinawon. Gipukaw Siya sa mga tinun-an nga puno sa kahadlok ug pagduda. Sa iyang pagtindog, iyang gipahunong ang hangin ug ang balod pinaagi sa iyang pulong. Human niini, gipasabot ni Jesus nga ang tinun-an kulang sa pagtuo. Natingala sila nga bisan ang hangin ug balod mituman kaniya.

Pagtulon-an

1. Ang Kahimtang sa Kinabuhi Sama sa Unos
Sama sa mga tinun-an, kita usab makaagi og dagkong unos sa kinabuhi—problema, kasakit, kahadlok, kagubot. Apan ang presensya ni Jesus mao ang atong kasaligan.

2. Pagtuo Labaw sa Kahadlok
Gipakita ni Jesus nga dili unta kinahanglan mabalaka kon anaa Siya. Ang kakulang sa pagtuo mao’y nakapalisang sa mga tinun-an.
Kung mosalig kita, makasinati kita sa kalinaw nga Iyang gihatag.

3. Si Jesus adunay gahum labaw sa Tanan
Bisan ang hangin ug balod mituman kaniya. Nagpakita kini nga si Jesus mao gyud ang Anak sa Dios nga adunay otoridad sa tanang binuhat.

4. Pagpahulay sa Presensya ni Jesus
Natulog si Jesus sa taliwala sa unos. Nagpasabot kini nga ang tinuod nga kalinaw dili gikan sa gawas (kay daghan kagubot) apan gikan sa sulod kung anaa ang Dios.

Kahinungdanon para kanato

Makapadasig sa atong Pagtuo – Ang teksto nagdasig nga bisan unsay unos atong masinati, si Jesus andam mutabang ug mopahiluna niini.

Nagpakita nga Si Jesus mao ang Dios – Bisan ang mga elemento sa kalibutan nagatuman kaniya; mao kini ang ebidensya sa iyang pagka-Dios.

Pagtulon-an sa Pagsalig – Imbes kahadlok ang modominar, kinahanglan nato ipundar ang atong pagsalig diha ni Jesus.

Kalinaw sa Taliwala sa Kalisdanan – Sa kalibutan nga puno sa problema ug pagsulay, si Kristo lamang ang makahatag sa tinuod ug hingpit nga kalinaw.

Ang istorya sa Gipahunong ni Jesus ang Unos nagtudlo nga bisan sa pinakalisod ug pinakakuyaw nga panahon sa atong kinabuhi, si Jesus adunay gahum sa paghatag og kalinaw ug kaluwasan. Kinahanglan nato Siya saligan labaw sa atong kahadlok.