Sa ngalan sa Amahan, sa Anak ug sa Espiritu Santo, Amen.
O Hesus, pinaagi sa putli nga kasingkasing ni Maria nagahalad ako sa akong pamilya ug sa katawhan sa tibuok kalibutan.
Sa tanan kong mga pag-ampo, mga buhat mga kalipay ug mga pag-antos karong adlawa, diha sa kahiusahan sa Santos nga sakripisyo sa Misa sa tibuok kalibutan.
Ihalad ko kining tanan alang sa mga katuyoan sa mahal nga kasingkasing ni Maria ang kaluwasan sa mga kalag, ang pag-bayad sa sala ug ang kahiusahan sa tanang mga Kristyanos.
Ihalad ko kining tanan alang sa mga tuyo sa atong simbahan ug ilabina alang sa kalambuan sa atong parokya.
Amen.
Amahan namo nga anaa sa mga langit
Pagdaygon ang imong ngalan
Umabot kanamo ang imong gingharian
Matuman ang imong pagbuot
Dinhi sa yuta maingon sa langit
Ang kalan-on namo sa matag adlaw
Ihatag kanamo karon adlawa
Ug pasayloa kami sa among mga sala
Ingon nga nagapasaylo kami sa mga nakasala kanamo
Ug dili mo kami itugyan sa panulay
Hinunua luwasa kami sa dautan.
Amen.
Maghimaya ka Maria, puno ka sa grasya.
Ang Ginoong Dios maanaa kanimo.
Bulahan ikaw sa babaeng tanan,
ug bulahan man usab ang bunga sa tiyan mo nga si Hesus.
Santa Maria Inahan ka sa Dios,
ig-ampo mo kaming makasasala. Karon
ug sa oras sa among igkamatay.
Amen.
Himaya sa Amahan,
ug sa Anak,
ug sa Espiritu Santo.
Maingon sa sinugdan, karon ug sa gihapon,
ug sa mga katuigan nga walay katapusan.
Amen.
