Pangamuyo ngadto ni San Miguel
Sa ngalan sa Amahan, sa Anak ug sa Espiritu Santo. Amen.

Mahimayong prinsipe sa langitnong kasundalohan, San Miguel Arkanghel panalipdi kami niining pakig-gubat batok sa gahom sa kangitngit ug sa ilang espirituhanong kadautan.

Dali sa pagtabang kanamo, kami nga mga linalang ug mga tinubos sa dugo ni HesuKristo, Iyang Anak, ug luwasa kami gikan sa bangis nga ataki sa yawa.

Gipasidunggan ka sa simbahan, isip patron ug tigpanalipod.
Ikaw man ang gipiyalan sa Ginoo, sa pagbantay sa mga kalag nga sa umabot nga adlaw, sila nga, mupuyo sa langitnong gingharian.

Iampo kami sa Dios sa kalinaw nga diha among mga tiil matumban namo ang mga yawa, aron sila dili makabuntog sa mga tawo ug nga dili sila makadaog sa mga sakop sa simbahan.

Ihiusa ang among mga pag-ampo sa imong mga pag-ampo ug ihalad kini ngadto sa labing makakagahom nga Dios, aron ang Iyang kalooy maangkon namo. Kadenahi si satanas, ug itambog didto sa way kinutobang kahiladman aron dili na siya makapanglimbong pag-usab sa mga katawhan.
Amen.